Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Investimento de 11 mil millóns de euros

Mónaco apúntase aos recheos no mar para poder medrar

O príncipe Alberte II planea gañar un espazo equivalente a cinco campos de fútbol malia ter "preocupacións" previas polo impacto ambiental.

Redacción - 12:45 28/12/2009

O príncipe Alberte II de Mónaco anunciou que se vai recuperar un plan para lle gañar terreo ao mar e permitir a expansión deste pequeno país, o de maior densidade de poboación do mundo. Anunciouno hai uns días nunha entrevista publicada polo diario francés Le Parisien.

O proxecto, que prevé a creación dunha área de máis de 50 mil metros cadrados (equivalente a cinco campos de fútbol), revelouse xa o ano pasado, mais foi adiado debido á crise financeira e ás "preocupacións" do soberano -implicado na protección do ambiente- polo impacto no medio mariño.

Alberte II encargou a tres organizacións ambientais de ámbito internacional un estudo sobre as posibilidades de crear "arrecifes artificiais" que eviten o dano a biodiversidade do Mediterráneo. Neste senso, os recheos -asegura- faranse sobre unha plataforma como as petrolíferas.

As obras non comezarán antes de 2015 e contan cun orzamento de 11 mil millóns de euros e sobre este construiranse vivendas de luxo, locais de oficinas para empresas e edificios públicos.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: