Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
MALIA AS DENUNCIAS

Iberdrola ampliará as súas centrais do Sil con financiamento europeo

O Banco Europeo de Inversións (BEI) concedeulle un préstamo de 300 millóns de euros que destinará a aumentar a súa cota de xeración de enerxía.

Redacción - 13:30 16/11/2009
Iberdrola foi denunciada en Europa polas desfeitas ambientais provocadas nos canóns do Sil

Iberdrola foi denunciada en Europa polas desfeitas ambientais provocadas nos canóns do Sil

Malia a presentación de diversas denuncias, unha delas perante a Comisión Europea, polas desfeitas ambientais acometidas por Iberdrola nos canóns do Sil, o proxecto recibirá financiamento por parte do Banco Europeo. Esta entidade, que segundo os seus criterios fundacionais, ten por obxecto impulsar proxectos de interese europeo, concedeu a Iberdrola un préstamo de 300 millóns de euros para financiar a ampliación de tres centrais hidroeléctricas, dúas delas situadas no Sil.

En concreto, o crédito europeo destinarase, ademais de a unha central valenciana, ao financiamento da ampliación das centrais de Santo Estevo II e San Pedro II. O acordo asinado polos representantes de ambos organismos entende que con estes cartos se "apoiarán proxectos que contribúan ao triplo obxectivo de aumentar a eficiencia enerxética, mellorar a seguridade de abastecemento e impulsar un subministro máis limpo". Ao parecer, non se tiveron en conta as denuncias presentadas tanto pola oposición política, como polos colectivos ecoloxistas, sobre os furados que sobre a Ribeira Sacra practicou Iberdrola para poñer en marcha estas centrais hidroeléctricas.

Grazas a estes 300 euros, a planta de Santo Estevo II contará cunha nova central de turbinación, o que suporá unha ampliación de 176 megavatios de potencia instalada, a maiores dos 300 xa existentes. O proxecto obriga, ademais, a perforar a montaña e utilizará o encoro e a presa a actuais. Mentres, en San Pedro II ampliarase en 25 megavatios a potencia instalada a través da construción dunha central semisoterrada.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: