Vieiros

Vieiros de meu Perfil


Edición xeral

RSS de Edición xeral
SITUACIÓN DRAMÁTICA

Defensa non descarta unha operación militar para intentar liberar os mariñeiros

O goberno español insiste en que ten localizados a todos os reféns e que lle consta que “están ben”.

Redacción - 11:26 06/11/2009
Tags: Alakrana

O executivo de Rodríguez Zapatero non descarta unha intervención militar para acabar co secuestro que sofren dende hai máis dun mes os mariñeiros do atuneiro vasco “Alakrana”. O secretario de Estado de Defensa, Constantino Méndez, afirmou este mesmo venres que o dispositivo militar que se atopa na zona ten “todas as súas operacións calculadas por se fose preciso chegar a utilizalas”. Porén, Méndez salientou que a principal vía segue a ser a negociación.

Con respecto aos tres mariñeiros que se atopan en terra, dous deles galegos, e que os secuestradores ameazan con matar antes do mediodía do domingo, Defensa continúa asegurando que ten datos de que se atopan ben e que están localizados polos servizos de intelixencia.

Mentres a desesperación das familias dos 36 tripulantes do “Alakrana” é máxima xa que cren que os piratas poden facer efectivas as súas ameazas, o goberno español mantense firme na decisión de non negociar cos secuestradores, que exixen a liberación de dous compañeiros encarcerados no Estado Español.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: