Vieiros

Vieiros de meu Perfil


Edición xeral

RSS de Edición xeral
Nos EUA

Un insecto fai envorcar un camión cargado de mísiles

O exército estadounidense asegurou que non levaba armamento nuclear. É o segundo accidente dun vehículo con ese tipo de cargamento no último ano.

Redacción - 13:17 20/10/2009
Estado en que quedou o vehículo / US Air Force

Estado en que quedou o vehículo / US Air Force

O condutor dun tráiler que transportaba mísiles de longo alcance perdeu o control do vehículo por culpa dun insecto. O camión envorcou, a piques de causar un desastroso accidente. Aínda que pareza unha historia de filme de serie B, aconteceu este mesmo mes en Dacota do Norte, Estados Unidos.

O incidente provocouno un "grande insecto" que aterrou nas costas do condutor. Foi o segundo accidente deste tipo que se produciu en menos dun ano. En xullo, as Forzas Aéreas dos EUA tiveron que recuperar un camión que portaba un lanzamísiles e que se saíra dunha pista. A operación custara 5,6 millóns de dólares (3,7 millóns de euros).

Aínda que o exército estadounidense insistiu en que ningún dos dous vehículos sinistrados levaba armas nucleares, o certo é que a base á que se dirixían si dispón dese tipo de armamento. Un accidente con armamento atómico de por medio podería ter acadado dimensións tráxicas.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: