Vieiros

Vieiros de meu Perfil


Edición xeral

RSS de Edición xeral
LEMBRANZA

NÓS-UP inicia unha serie de actos para reivindicar a figura da guerrilleira Henriqueta Outeiro

A formación independentista quere que a Deputación de Lugo e o Concello de Castroverde restauren a casa natal da histórica militante comunista.

Redacción - 12:30 03/09/2009
Henriqueta Outeiro

Henriqueta Outeiro

Nós-Unidade Popular anuncia que vai dedicar a novena edición do Día da Galiza Combatente a recuperar a memoria da guerrilleira comunista Henriqueta Outeiro. O acto central vai ter lugar o vindeiro 11 de outubro na parroquia de Miranda, no municipio de Castroverde, onde a homenaxeada naceu en 1909. Henriqueta Outeiro, finada hai xa vinte anos, exerceu de mestra en diversas escolas rurais do país. Destinada a Madrid, afiliouse en 1936 ao PCE. Durante a Guerra Civil chegou a ser comandante do exército republicano.

Na década dos 40 ingresa na guerrilla antifranquista até que en 1946 é detida pola Garda Civil perto da cidade de Lugo. Logo de ser condenada a morte, a presión internacional conseguiu que a execución non se levas a cabo. Porén, permaneceu en diferentes cadeas até 1966. En 1977 figurou nas listas do PCE ao Congreso español pola provincia de Lugo.

Nós-UP quere que a Deputación de Lugo e o Concello de Castroverde destinen fondos a restaurar a casa natal da militante comunista a conveterla no “Museo da Resistencia Henriqueta Outeiro”.

 


4,48/5 (23 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: