Vieiros

Hai apenas uns días que se coñeceron inéditas taxas de desemprego no país, aínda que a recente publicación do crecemento do Produto Interior Bruto no segundo trimestre, cun incremento do 3,7%, aventura a recuperación da economía xaponesa. Con todo, nin uns nin outros indicadores semellan cambiar as cifras dos prognósticos nos que desde hai tempo coinciden as sondaxes.

Así, o conservador Partido Liberal Democrático (PLD), encabezado polo actual primeiro ministro, Taro Aso, parece encamiñarse a unha derrota histórica, logo de case sesenta anos pilotando Xapón. O voto de castigo que os analistas agoiran para o PLD vai ser colleitado da outra banda en forma de apoios polo centrista Partido Democrático (PD), que abrolla como case seguro vencedor destes comicios. As enquisas mesmo indican unha posíbel maioría absoluta para o PD na Cámara Baixa, con máis de dous terzos dos 480 asentos. Algo máis de cen millóns de electores terán a decisión final nas súas mans. O PD xa controla o Senado desde o verán de 2007 e agora, froito dos resultados da votación deste domingo, podería colocar a Yukio Hatoyama no cargo de primeiro ministro.

Para ampliar:

• Daily Yomiuri
• CNN