Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Primeira fichaxe do Obradoiro

"Habemos ser equipo revelación", prognostica Vassialidis

A estrela grega do básquet confía en que o equipo compostelán armará unha escadra coa que aspirar a algo máis que manter categoría.

Redacción - 12:35 10/08/2009

"Non só imos salvarnos, senón a dar a sorpresa e sermos o equipo revelación, mantendo a máxima categoría". Así de optimista aparece Kostas Vassialidis, nas súas primeiras declaracións logo de fichar polo Xacobeo Blu:sens. O grego afirma estar orgulloso de ser a primeira aposta do novo proxecto do baloncesto compostelán e promete esforzo máximo para "facer posíbel o soño da afección".

Ao respecto da fichaxe, o director deportivo do equipo, Alberto Blanco, destacou a xuventude e á vez a experiencia acumulada por esta primeira fichaxe do equipo, recordando que Vassialidis xogou xa na ACB e tamén na Euroliga. Explica Blanco que con esta primeira aposta queren demostrar "a seriedade do proxecto" malia as dificultades económicas. "Vassiliadis achegaranos ese carácter especial dos gregos que agradecerá o público", prognosticou. Por outro lado, o adestrador, Curro Segura, dixo esperar que este xogador se converta en referencia do xogo exterior do cadro, subliñando a súa efectividade na longa distancia",e lembrou o seu anterior paso pola ACB, daquela coas cores do Unicaja. "Con esta contratación poñemos o primeiro nome para facer un cadro competitivo", analizou, "gústanos que sexa un xogador que queira volver á ACB con fame por demostrar o seu potencial".


4,9/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: