Vieiros

Rolando Rondinelli, un artista nacido da fusión do teatro, do circo e da danza, será un dos protagonistas da oitava edición do Manicómicos, que este domingo arrinca na Coruña. Mais non será o único: até o vindeiro martes, a cidade herculina encherase de maxia, espectáculo e, sobre todo, circo, da man dos máis distinguidos clowns do panorama humorístico actual.

As gargalladas e os risos están garantidos dende este domingo, cando Rondinelli ofreza na Praza de María Pita o seu espectáculo Trotamundos, un achegamento á fantasía nun mundo no que pode ocorrer calquera cousa, en clave de humor e ao estilo do cinema mudo. Mais para aqueles que non poidan acudir o domingo, o artista arxentino ofrecerá unha nova sesión xa o luns no Obelisco. Nos seus números pódese apreciar, din os expertos, unha renovación total dos cánones do novo circo e a introdución de elementos como as acrobacias, o trapecio, o gag ou a improvisación.

Mais a programación non remata aquí: entre os demais artistas destacan nomes como AsSircopatas, Malabreikers, Beto e Tornillo, Sebastián Marcelo, Ganso$Cía, Manicómicos, Djammal, Almacabra, Fredi Circanelo, Pablo Trasno, Capuzzi e Nono.

DOMINGO 9 - Obelisco
19:00h - Rolando Rondinelli: "Trotamundos"
20:00h - AsSircopatas: "Montagem"

LUNS 10 - Praza de María Pita
19:00h - Rolando Rondinelli: "Trotamundos"
20:00h - Malabreikers: "Beto e Tornillo"
21:00h - Sebastián Marcelo: "Niño Costrini"

MARTES 11 - Praza de María Pita
19:00h - Ganso&Cía: "Renato"
20:00h - Gala do VIII Festival Manicómicos

• Podes ver aquí o programa detallado e toda a información das compañías participantes e das súas actuacións.