Vieiros

Vieiros de meu Perfil


Edición xeral

RSS de Edición xeral
PONTEAREAS

Multa por atentar contra o patrimonio natural, dous mil euros

A organización ecoloxista Adenco considera ridícula a sanción que Cultura lle impuxo a unha empresa por efectuar movementos de terra no entorno do Castro de Troña.

Redacción - 12:15 06/08/2009

Sen licenza do concello, sen a preceptiva autorización da Dirección Xeral de Patrimonio e ocasionando danos no entorno. Augas de Mondariz acaba de recibir unha sanción por parte da Consellaría de Cultura por "unha infracción administrativa" consistente en "efectuar algúns movementos de terras e outros traballos no entorno do Castro de Troña", en Ponteareas, catalogado como Ben de Interese Cultural (BIC). A cuestión é que esta multa ascende a tan só dous mil euros, cando as sancións por este tipo de irregularidades poden alcanzar até os 60 mil.

Agresión ao patrimonio
A organización ecoloxista Adenco considera que esta cantidade é ridícula e lamentan que "atentar contra o patrimonio cultural de Galiza resulta pouco menos que gratuíto". Foi este colectivo o que presentara unha denuncia perante a Dirección Xeral de Patrimonio hai máis dun ano, por entender que se "estaba a cometer unha agresión de notábel alcance ao monumento". Agora, subliñan a mesquindade da sanción malia que o expediente sancionador recoñece que se produciu "unha modificación parcial da pendente orixinal do terreo", "a apertura dunha pista de tres metros de ancho" e a "creación de varios bancais", así como que os movementos de terra se produciron a menos de 200 metros de distancia do castro, área de protección.

Finalmente, entenden que Augas de Mondariz está a mofarse das normas ambientais, xa que alegou que descoñecía que tiña que solicitar as preceptivas licenzas tanto do concello como de Patrimonio. Ademais, reiteran a súa denuncia sobre o abandono do xacemento por parte do concello de Ponteareas, tanto no seu mantemento como na súa promoción.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: