Edición xeral
Iniciativa Lexislativa Popular a prol de levar TV3 a todos os Países Cataláns
'Televisió sense fronteres' defende que a canle catalá se vexa fóra de Cataluña, mais tamén a EiTB, en Nafarroa, e a TVG, por exemplo, en Asturias.
Manifestación en Valencia a favor da recepción da TV3
Representantes de Televisió sense fronteres, plataforma que promove que os territorios do Estado Español cunha lingua común poidan captar as mesmas canles de televisión, reuníronse este martes co presidente do Parlamento de Cataluña, Ernest Benach, para lle pedir o seu apoio.
En concreto, defenden que o sinal da televisión pública catalá, TV3, poida ser recibido noutras rexións dos Países Cataláns, como Valencia ou as Illas Baleares. E tamén que a vasca EiTB chegue a lugares sen cubrir de Nafarroa (País Vasco), e a TVG, aos que aínda non o están máis alá das fronteiras administrativas.
Os impulsores do proxecto deben recompilar 500 mil sinaturas en nove meses para que a proposta sexa exposta no Parlamento español. En Cataluña, a campaña conta xa co amparo dos ex presidentes da Generalitat, Jordi Pujol e Pasqual Maragall, do artista Antoni Tapias e do presidente do FC Barcelona, Joan Laporta, entre outras personalidades.
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto