Vieiros

Vieiros de meu Perfil


Fwwwrando

RSS de Fwwwrando
Caos informático

Denuncian que o software Minerva está a colapsar a Xustiza

O sindicato UXT pediulle á Dirección Xeral que atenda as suxestións e a opinión do funcionariado á hora de implantar o sistema.

Redacción - 10:45 12/07/2009

O sindicato nacional de Xustiza da UXT amosou o seu descontento pola situación nos xulgados do país, especialmente no que se refire ao uso das aplicacións informáticas. UXT denunciou que o mal funcionamento destes sistemas inciden no empeoramento da eficacia xudicial.
 
Para o sindicato, a implantación do sistema informático Minerva en substitución do anterior software Libra, provocou o colapso dos xulgados, que achaca ás deficiencias e á "lentitude extrema" do programa, e que prexudica os xa saturados
órganos xudiciais. Segundo UXT, isto provocou malestar entre o funcionariado e impide a prestación duns servizos públicos de calidade.

As primeiras denuncias xa se produciron en febreiro de 2009, durante o período de probas de Minerva. UXT sostén que é
necesario incrementar o persoal ao servizo da Dirección Xeral de Xustiza para atender as incidencias informáticas e facer un seguimento. Tamén considera que, á vista das próximas reformas de leis procesuais, un grupo de expertos informáticos e xurídicos adapten os modelos á nova lexislación.

O sindicato tamén se queixa de que a Dirección Xeral desprezou os sindicatos á hora de negociar a implantación de Minerva e, no canto diso, reuniuse con colectivos que nin usan o programa nin teñen representación na mesa sectorial.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: