Vieiros

Vieiros de meu Perfil


Máis Alá

Xestionado por Vieiros
RSS de Máis Alá
A MOSTRA DE TEATRO CUMPRE 25 ANOS

La Fura dels Baus ou Agatha Ruíz de la Prada, nunha Ribadavia de deseño

Do 17 ao 26 de xullo pasarán pola vila compañías de Madrid, Cataluña, Portugal, Italia, Francia, Brasil, Corea e tamén Galiza.

Redacción - 08:00 08/07/2009

Será unha das edicións máis especiais da Mostra de Teatro de Ribadavia, coa celebración dos seus primeiros 25 anos de historia e a homenaxe a Rubén García, director do MIT dende a súa creación en 1984, e que faleceu o pasado mes de outubro. Os esectáculos comezarán o venres 17, co pregón a cargo de Cándido Pazó e a representación de Splash, de La Fura dels Baus, no campo de fútbol do Xestal.

Cómpre salientar igualmente a representación da premiada La casa del abuelo da Compañía la Rous, o sábado 18 con dúas únicas representacións limitadas a 50 espectadores cada unha. Tamén chamará a atención dos espectadores Alicia atraviesa el espejo, da madrileña Réplika Teatro, e que contou coa colaboración de Agatha Ruíz de la Prada para o deseño da súa escenografía. En canto á representación galega, destaca A Piragua, de Cándido Pazó, e tamén Trasno de Pistacatro e Dáme Veleno de Sarabela Teatro.

Os actos para conmemorar os 25 anos de historia da mostra, publicarase un libro sobre o XXV aniversario da MIT. E o domingo 19 tamén haberá un espazo para a presentación da colección Abrente de Teatro. A mostra pecharase o domingo 26 coa entrega do premio de Honra Abrente, premio de Textos Teatrais e premio do público. E tamén coa representación de In-Fame, de Excéntrica Producións.


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: