Vieiros

Vieiros de meu Perfil


Edición xeral

RSS de Edición xeral
Rompe a “unidade sindical”

As mobilizacións do Metal trasládanse ás zonas nas que os sindicatos están máis divididos: Pontevedra e Marín

A CIG segue adiante coa folga, a UXT desmárcase, desmobilizando os seus afiliados vía SMS, e CCOO decidirá de mañá, mais non apoiará as manifestacións desta sexta feira.

Redacción - 08:00 03/07/2009
Antolín Alcántara, da CIG, na asemblea desta quinta feira, na Praza do Rei de Vigo

Antolín Alcántara, da CIG, na asemblea desta quinta feira, na Praza do Rei de Vigo

As mobilizacións do sector metalúrxico da provincia de Pontevedra trasladaranse esta sexta feira á zona de Marín e á cidade do Lérez, onde a CIG denunciou a existencia de "fugas" no marco do conflito e a falta de consolidación do mesmo.

A xornada estará marcada, por segundo día consecutivo, pola división sindical. Así, e a priori, CCOO e CIG apoiarán un novo día de folga no sector. Comisións aínda había desenvolver unha xuntanza cos seus afiliados a primeira hora da mañá para decidilo.

Tras desenvolver varias asembleas nos centros de traballo a primeira hora da sexta feira, polo menos os delegados do sindicato nacionalista sairán en varios autobuses, ás 10h00, cara Pontevedra e Marín. Esta iniciativa non contará co apoio de UXT, que a última hora da quinta feira decidiu desmarcarse do conflito, apostando por unha "tregua" na folga, e desconvocando os seus afiliados vía SMS. Na quinta xa non acudiu á asemblea xeral que se desenvolve todos os días, dende que comezou a folga, na Praza do Rei.

Rompe a "unidade sindical"
Os representantes das tres centrais sindicais reuníronse na tarde da quinta feira, ás 17h00, na sede de CCOO, co fin de recuperar a "unidade sindical". Con todo, após máis de cinco horas, o encontro continuaba ben entrada a noite, sen que se producisen cambios nas posturas.

Vocereiros dos sindicatos recoñeceron que, neste momento, as posicións seguen sendo diverxentes e, no caso de CIG e UXT "completamente opostas". No entanto, indicaron que seguirán a traballar para buscar "camiños intermedios" e fórmulas alternativas que permitan recuperar esa unidade.


4/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: