Vieiros

Vieiros de meu Perfil


Edición xeral

RSS de Edición xeral
Europa da Liberdade e da Democracia

O Partido pola Independencia do Reino Unido lidera o novo grupo de euroescépticos no Parlamento Europeo

A formación, da que fan parte entre outros o LAOS grego e a Lega Nord, defende a soberanía das nacións-estado.

Redacción - 11:30 02/07/2009
Nigel Farage, do UKIP

Nigel Farage, do UKIP

O grupo Europe of Freedom and Democracy (Europa da Liberdade e da Democracia, EFP), o novo partido do Parlamento Europeo que agrupa as forzas euroescépticas e de dereita do continente, presentouse oficialmente esta cuarta feira.

A EFP, herdeira do grupo Independence-Democracy (Independencia-Democracia), anunciou que pretende facer campaña polo 'non' no segundo referendo sobre o Tratado de Lisboa previsto para outubro. En xeral, os principais puntos do seu programa baséanse na defensa da soberanía das nacións-estado.

O Partido pola Independencia do Reino Unido (UKIP) é o que achega máis deputados, 13 dos 30 totais, seguido pola Lega Nord (anti-inmigración), con 9. De feito, a EFP estará copresidida polos líderes das dúas formacións en Bruxelas, Nigel Farage e Francesco Speroni, respectivamente.

Completan a lista o Partido Ortodoxo Laico de Grecia (LAOS), con dous europedutados, os mesmos con que conta o Partido do Pobo Danés. E con un, True Finns, Mouvement pour la France, Partido Político Reformista de Holanda e o Partido Nacional Eslovaco (SNS, extrema dereita).

Farage sinalou que seguen a negociar con outras formacións políticas coa esperanza de sumar máis deputados antes da primeira sesión plenaria en Estrasburgo o vindeiro 14 de xullo.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: