Vieiros

Vieiros de meu Perfil


Fwwwrando

RSS de Fwwwrando
Cooperación transfronteiriza

Empresas galegas e portuguesas analizan en Vigo as posibilidades da biotecnoloxía

O foro enmarcado no proxecto Bioemprende reúne, principalmente, axentes relacionados coa alimentación, a medicina e o medio ambiente.

Redacción - 17:25 29/06/2009

Este luns arranca en Vigo o primeiro Foro Transfronteirizo de Biotecnoloxía e Emprendemento, no que participan empresas e institucións galegas e portuguesas. O encontro, que se desenvolve no Centro Social Caixanova, está organizado por Bic Galicia coa colaboración da Fundación Universidade de Vigo, o Instituto Politécnico de Viana do Castelo, Bic Minho e o Instituto Empresarial do Minho.

O foro forma parte do proxecto da eurorrexión Galiza-Norte de Portugal Bioemprende, que promove vincular os axentes implicados no sector biotecnolóxico, mellorar a capacidade emprendedora nesta área, identificar oportunidades de negocio e xerar sinerxías de cara a consolidar un tecido empresarial biotecnolóxico. Entre as empresas participantes están, por parte galega, Zeltia, Feiraco ou Ecocelta e as lusas Frulact, Simbiente ou Bial.

A xornada desenvólvese arredor de catro mesas temáticas agrupadas por cores: vermella (medicina e saúde), azul (acuicultura e pesca), verde (agroalimentación) e branca (ambiente).


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: