Vieiros

Vieiros de meu Perfil


Edición xeral

RSS de Edición xeral
A vindeira quinta feira

A Xunta de Galicia autorizará a venda dos 23 coches de alta gama que non se usan

Dentro das políticas de austeridade do Goberno enmárcase a reestruturación do parque móbil que non está a ser empregado polos altos cargos.

Redacción - 09:00 29/06/2009

O Consello da Xunta autorizará a vindeira quinta feira á consellería de Presidencia para que inicie o proceso de venda dos 23 vehículos de alta gama do parque móbil que non están a ser empregados por cargos da Administración.

A autorización chega despois de realizar un estudo de necesidades e constatar que "non eran necesarios" e que tiñan un alto custo para as arcas autonómicas. En 2008 os gastos de mantemento destes coches foron de 360 mil euros, segundo o novo Goberno.

Unha vez dados os permisos, Presidencia iniciará "de inmediato" o proceso de venda, a través dun procedemento "aberto" e "transparente" que garanta a "libre concorrencia". Segundo a Xunta, esta venda non significará novas adquisicións: "en ningún caso se adquirirán novos vehículos para uso dos altos cargos, xa que a dotación actual é suficiente para facer fronte ás necesidades", recalcaron dende o Goberno.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: