Vieiros

O ex presidente de Arxentina e home da actual presidente, Néstor Kirchner, lideraba aínda sen terminar o domingo a eleccións de deputados na provincia de Bos Aires, o distrito máis poboado do país, segundo un sondeo a pé de urna divulgado pola emisora de televisión Canal 13.

Porén, ás 08h00 (hora galega) co 74,37%escrutado, o candidato a deputado Néstor Kirchner perdía case tres puntos (32,30% fronte a 34,56%), en Bos Aires (onde vota o 38% dos arxentinos), fronte ao seu principal opoñente, o peronista disidente Francisco de Narváez. Alén disto, as súas listas ficaran derrotadas nos outros catro principais distritos do país, Capital Federal e as provincias de Córdoba, Santa Fe e Mendoza, así como en Santa Cruz, o seu feudo persoal.

Os primeiros datos oficiais daban por perdida a maioría absoluta do peronismo oficialista no Congreso, polo que la presidenta, Cristina Fernández de Kirchner, tería que se enfrontar, nos dous anos e medio que lle quedan de mandato, a un goberno moi debilitado.

Por outro lado, unha eventual vitoria de Kirchner colocaría o ex presidente como un posíbel contendente pola xefatura do Estado nas eleccións xerais de 2011.

Máis información, gráficos e vídeo:

• Clarín: Kirchner muy golpeado reconoció la derrota: "Hemos perdido por muy poquito"