Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
A debate o 7 de xullo

PP, PSOE e independentes confirman o acordo en Gondomar

Os tres grupos confirmaron esta quinta feira que votarán xuntos para poñer na alcaldía a Martín Urgal (PP) en substitución de Antón Araúxo (BNG).

Redacción - 17:45 25/06/2009
Concello de Gondomar

Concello de Gondomar

Logo de apartaren do liderado do PP local o ex alcalde Carlos Silva, condenado por prevaricación urbanística e pendente da resolución do recurso que presentou fronte á sentenza, os populares conseguiron á fin o consenso co PSOE e coa formación Movemento Veciñal de Gondomar para a presentación dunha moción de censura. Deste xeito, o escrito que achegaron este xoves na Casa do Concello propón como candidato á alcaldía a Martín Vicente Urgal Alonso.

Nun comunicado, Silva argumenta para a súa renuncia a liderar a volta do PP ao poder no municipio pontevedrés o proceso xudicial no que está inmerso e di esperar que "non afecte nin interrompa a corrente de cambio que se inicia en Gondomar". "Os tempos xudiciais son os que son e Gondomar, agora mesmo, non pode esperar", afirma o ex alcalde que, así e todo, asegura que vai formar parte do novo goberno municipal que terá como rexedor a quen até o de agora foi súa man dereita. O pleno no que se debaterá a moción quedou fixado para o martes 7 de xullo ás 12 horas.


1/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: