Vieiros

Vieiros de meu Perfil


Edición xeral

RSS de Edición xeral
LOGO DAS ÚLTIMAS ASEMBLEAS

Volve a unidade sindical no metal

CCOO decidiu que continuará coa convocatoria de folga na provincia de Pontevedra, ao igual que a CIG e a UXT.

Redacción - 17:30 25/06/2009
CIG, UXT e CCOO manteñen a folga no sector

CIG, UXT e CCOO manteñen a folga no sector

Logo de que cambalease a unidade sindical no sector do metal, a cohesión volveu este xoves aos representantes dos traballadores. Ao comezo da xornada a CIG era a única que apoiaba a folga en todo o sector, incluídas as empresas que teñen convenio propio, como é o caso de Citroën e as de compoñentes de automoción. Pola súa banda, a asemblea de traballadores da UXT decidira continuar co paro, mais só nas empresas afectadas polo convenio. E, finalmente, CCOO non apoiaba a convocatoria, ao estimar necesario un tempo para estudar a última proposta da patronal.

Así as cousas, esta última formación sindical decidiu a última hora da mañá do xoves nunha asemblea "moi axustada" que secundará a folga do sector. O seu voceiro, Ramón Sarmiento, descartou, non obstante, entrar a valorar a proposta sobre o convenio realizada polos mediadores da negociación, xa publicamente rexeitada pola UXT e a CIG. Con todo, Sarmiento dixo que "o dexexábel tería sido unha tregua" mentres se reflexionaba a proposta, se ben finalmente a maioría dos traballadores optaron por manter a folga indefinida.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: