Vieiros

Vieiros de meu Perfil


Edición xeral

RSS de Edición xeral
Xuntanzas separadas coa conselleira de traballo

Sindicatos reclaman unha maior implicación da Xunta no conflito do Metal

UXT e CCOO piden un apoio maior da Consellaría de Traballo, e a CIG reitera a súa disposición a negociar. A conselleira Beatriz Mato reúnese esta sexta feira coa patronal.

Redacción - 09:00 19/06/2009
Pancarta da mobilización desta quinta feira, polas rúas de Vigo / Imaxe: CIG

Pancarta da mobilización desta quinta feira, polas rúas de Vigo / Imaxe: CIG

O secretario xeral de Metal, Construcións e Afíns de UXT, Manuel García, e o responsábel da Federación de Industria de CCOO, Nicolás Pato, reclamáronlle á Xunta e, en concreto á Consellería de Traballo, unha maior implicación, no seu papel como mediadora na negociación para resolver o conflito no sector do Metal na provincia de Pontevedra, mentres que o representante de CIG, Miguel Anxo Malvido manifestou a súa disposición a dialogar.

Os responsábeis do sector dos tres sindicatos reuníronse na tarde da quinta feira en Compostela coa titular de Traballo e Benestar, Beatriz Mato, quen cualificou estes encontros de "positivos". A conselleira manterá un novo encontro esta sexta feira, a partir das 10h00, cos representantes das cinco patronais do sector: Asime, Atra, Foncalor, Instalectra e Feca.

As impresións dos sindicatos, após reunirse con Mato
Así, tras entrevistarse con Mato, García criticou a "falta de interlocución por parte dos empresarios" e o "abandono" da administración galega neste conflito. "Dános a sensación de que veñen -ás reunións- por ternos entretidos" reprochou, e acusou á Xunta de tratar de dar a impresión de que "alguén está intentando mediar" pero isto, dixo, "non é mediación".

No mesmo sentido se pronunciou o responsábel de Industria de CCOO, quen afirmou que a Xunta "ten que se implicar máis do que se leva implicado até o de agora" na negociación e esixiu "máis forza" á súa intermediacin.

Polo seu lado, o responsábel da CIG, Malvido, indicou que a conselleira se interesou polas impresións dos sindicalistas respecto ao conflito e que a súa central sindical lle explicou "algunhas reviravoltas" da negociación. Así, acordaron continuar os contactos na sexta. En calquera caso, o secretario xeral de CIG-Metal manifestou que sempre estiveron dispostos a negociar "cando queiran, 24 horas ao día e todos os días da semana". "Dixemos que cando queiran e cando nos convocasen", sinalou tras indicar que Mato preguntou pola súa disposición para sentar a dialogar.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: