Vieiros

Vieiros de meu Perfil


Fwwwrando

RSS de Fwwwrando
Instituto de Tecnoloxía de Massachusetts

Crean un chip receptor de radio inspirado no ouvido humano

Pode detectar sinais de banda moi larga de móbil, wi-fi, radio e televisión a alta velocidade e con escaso consumo enerxético.

Redacción - 10:10 07/06/2009
Sarpeshkar e Mandal amosan un esquema do chip / Donna Coveney

Sarpeshkar e Mandal amosan un esquema do chip / Donna Coveney

Enxeñeiros do Instituto de Tecnoloxía de Massachusetts (MIT) desenvolveu un novo chip de baixa potencia, alta velocidade e reducido tamaño que se poderá empregar en dispositivos sen fíos para recibir sinais de telefonía móbil, internet, radio e televisión, inspirado no funcionamento do ouvido interno humano.

Os deseñadores do chip son Rahul Sarpeshkar, profesor asociado de enxeñaría electrónica e informática e o seu estudante graduado Soumyajit Mandal, que se basearon no deseño da cóclea. O pequeno aparato é moito máis rápido que ningún outro analizador do espectro radioeléctrico e consome moita menos enerxía.

Chamáronlle ao chip "cóclea de radiofrecuencia", nun traballo que se publicará en xuño no IEEE Journal of Solid-State Circuits. Tamén solicitaron a patente para incorporar o dispositivo nunha arquitectura que procese eficientemente un largo espectro de sinais, como telefonía móbil, internet sen fíos ou FM.

A cóclea artificial copia a estrutura e o funcionamento da biolóxica á hora de converter as ondas sonoras en sinais eléctricos que se lle envían ao cerebro. Pero o chip, en lugar de procesar frecuencias de entre 100 e 10 mil hercios, amplía o límite superior un millón de veces, chegando ás ondas de radio usadas máis habitualmente.

Segundo os investigadores, o proxecto demostra que inspirarse en campos alleos ao propio á hora de desenvolver novas ferramentas pode ser moi produtivo.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: