Vieiros

O presidente dos EUA, Barack Obama, reuniuse esta segunda feira en Washington co primeiro ministro israelí, Benjamin Netanyahu, nunha primeira cimeira na que se tratou a fondo o conflito en Oriente Próximo.

O mandatario estadounidense chamou a Netanyahu a "aproveitar a oportunidade" de tentar lograr a paz, e reiterou o apoio do seu país á solución de dous estados, un israelí e outro palestino. Nesta liña, afirmou que Israel ten "obrigas claras" dentro do plan de paz, e que os "asentamentos deben deterse" nos territorios palestinos.

Na xuntanza, ámbolos dous mandatarios debateron tamén sobre o plan nuclear de Irán e, así como Netanyahu non lle asegurou a Obama que vaia apoiar a creación dun estado palestino, tampouco o mandatario estadounidense lle deu a este unha data exacta para comezar as negociacións con Irán sobre o seu plan nuclear, como demandaba.

A noticia noutros medios de comunicación:

• BBC (vídeo): Obama presses Netanyahu over two-state plan
• NBC (vídeo): Netanyahu ready to resume Mideast peace talks
• USA Today: Obama and Netanyahu meet for Mideast talks
• The New York Times: Obama Tells Netanyahu He Has an Iran Timetable