Vieiros

O candidato do PSE a lehendakari, Patxi López, recibiu, na sesión de tarde do Parlamento en Vitoria-Gasteiz, o apoio dos deputados do PP e de UPyD para chegar a mandatario en Euskadi, tal e como estaba previsto.

A despedida de Ibarretxe eclipsa a López na súa chegada a Ajuria Enea
Porén, a noticia do día nos xornais vascos foi o marcha do lehendakari en funcións, Juan José Ibarretxe, quen se despediu do Parlamento e da política no seu último discurso, moi político e, por veces, unha arma arreboladiza contra os socialistas. Antes de pechar a sesión, Ibarretxe subiu as escaleiras e colocouse fronte o atril para dicir, ante a atenta ollada dos presentes, que marchaba da política: "Vou abrir unha nova etapa na miña vida. Non vai ser difícil, porque nunca esquecín que aos lehendakaris danos o mesmo sol e a mesma chuvia que ao resto de homes e mulleres deste país, mais en calquera caso, debedes saber que aquí nesta casa, neste Parlamento, comecei a miña vida política e que aquí termino de facer política. Agur".

Ao terminar a xornada de investidura, López reiteroulle a oferta de man tendida ao PNV, e volveu negar que o seu vaia ser un executivo frentista, porén, os jeltzales vaticinaron un goberno inestábel e avanzaron que a súa vai ser unha oposición responsábel, mais non de acordo con todas as teses do PSE.

Esta terza feira foi un día histórico para Euskadi, xa que chegaba a Ajuria Enea o primeiro inquilino non ligado ao PNV. López ha gobernar en minoría, co apoio dos populares vascos, e o PNV pasará á oposición parlamentaria, por primeira vez en 30 anos, dende a restauración democrática.

A noticia nos medios de comunicación de Euskadi:

• Gara: Patxi López culmina el asalto de Madrid a Ajuria Enea y cierra la carrera política de Ibarretxe
• Berria: Lopez hautatu dute lehendakari, eta Ibarretxek agur esan dio politikari
• Deia: El adiós de Ibarretxe eclipsa a Patxi López
• Diario Vasco: López, lehendakari e Ibarretxe deja la política
• El Correo: El lehendakari López certifica el adiós de Ibarretxe
• EiTB: Euskadi afronta una nueva era con Patxi López como lehendakari (vídeo) / Vídeo da despedida de Ibarretxe