Vieiros

O histórico cambio de liderado en Euskadi quedará sinalado no tempo co discurso de investidura que prenunciará esta terza feira no Parlamento Vasco o socialista Patxi López, que estará dominado por un ton conciliador. Nesta nova etapa, López xa sinalou un obxectivos prioritarios: a unidade, para conseguir a paz e para terminar coa crise.

Segundo o propio líder dos socialistas vascos, o pacto co PP vasco, que o ha levar ao poder en Euskadi ha ser só "o primeiro de moitos, abertos a todas as forzas políticas". Mais este acordo cos populares non foi selado a gusto de todos. De feito, o lehendakari en funcións, Juan José Ibarretxe (PNV) despedirase cunha mensaxe política dirixida a López, na que lle reprochará non ter chegado a un acordo co seu partido, e facelo cos populares.

López chega á súa cita coa historia co menor número de avais que nunca un candidato a mandatario presentou na Cámara de Vitoria-Gasteiz, mais sairá do maratoniano pleno con votos abondos para suceder a Ibarretxe como próximo inquilino de Ajuria Enea, converténdose no sexto lehendakari da historia de Euskadi. Ademais dos 25 parlamentarios socialistas, López contará co apoio dos 13 do PP, e o único representante de UPyD. Polo seu lado, Ibarretxe poderá contar co apoio dos 30 membros do PNV na Cámara, xa que nin Aralar, nin EA, nin EB fixeron pública a súa intención de voto.

A noticia nos medios de Euskadi:

• Gara: El Parlamento del apartheid elegirá hoy un lehendakari sin mayoría en las urnas
  
• Berria: Gaur hautatuko dute Patxi Lopez Eusko Jaurlaritzako lehendakari
  
• Deia: Patxi López inicia su discurso con un llamamiento a la unidad
  
• Diario Vasco: López pide "confianza" para hacer frente a la crisis y al terrorismo, y unir a los vascos
  
• El Correo: López pide "la confianza de todos" para hacer frente a la crisis y al terrorismo
• EiTB: López: "mi primer empeño como lehendakari será poner fin al terrorismo de ETA"