Vieiros

Vieiros de meu Perfil


Edición xeral

RSS de Edición xeral
UE2009

O Parlamento Europeo fomenta a participación electoral nas redes sociais

A Eurocámara crea os seus propios perfís en Facebook, MySpace ou Flickr para espertar o interese dos máis novos polos comicios de xuño.

Redacción - 11:45 30/04/2009

O Parlamento Europeo creou os seus propios perfís nas principais redes sociais da internet co fin de espertar o interese dos máis novos polas eleccións lexislativas que se desenvolverán na UE na primeira semana de xuño (en Galiza, o domingo día 7).

Coa súa entrada en Facebook, que ten arredor de 175 millóns de usuarios; en MySpace, con 250 millóns; e en Flickr, a Eurocámara pretende elevar a taxa de participación. A principal mensaxe céntrase en facer ver o impacto que a política europea ten no día a día dos 500 millóns de cidadáns da UE.

Ademais, está prevista a apertura dunha subcanle no EU Tube (en YouTube) con historias directamente relacionadas coa campaña e o proceso electoral. E dentro da web específica creada para os comicios, Elections 2009, incluiranse aplicacións como a "Máquina do Tempo", centrada no 30º aniversario da primeira votación.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: