Vieiros

Vieiros de meu Perfil


Fwwwrando

RSS de Fwwwrando
A TRAVÉS DE ASTRA

Nova oferta de internet vía satélite para as áreas máis ailladas

A compañía Net2 ofrece cobertura universal de banda larga, a cambio duns prezos superiores e velocidades inferiores ao ADSL.

Redacción - 12:15 25/04/2009
Maqueta dun dos satélites de SES-Astra

Maqueta dun dos satélites de SES-Astra

Unha compañía presentou esta semana unha nova modalidade de internet por satélite que permitirá achegarlles as conexións á rede ás áreas máis illadas, onde non chegan o ADSL nin as conexións móbiles. Os accesos por satélite teñen a vantaxe de chegan a toda a superficie de cobertura do aparello, sen que lles afecten os accidentes xeográficos. En contra están o prezo, superior ás conexións convencionais, e a velocidade, polo xeral máis limitada.

A empresa Net2, que opera a través dos satélites de Astra, ofrece varias modalidades de conexións que van dende 21,90 euros ao mes (máis IVE) para 256 Kbps de baixada e 64 de subida a 69,90 por 2 megas/128. Ademais, entre as súas características están que a conexión, tanto de baixada como de subida, é directa co satélite, e que non hai límites mensuais de transferencia de datos. Ademais, dispón de servizos adicionais como televisión e telefonía IP, por un custo adicional.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: