Vieiros

Vieiros de meu Perfil


Edición xeral

RSS de Edición xeral
REACCIÓNS

Os socialistas consideran o discurso de Feijoo pouco tranquilizador

Manuel Vázquez asegurou que a intervención do presidente da Xunta careceu de medias firmes para combater a crise.

Redacción - 19:00 18/04/2009
Os socialistas exíxenlle a Feijoo que se poña a traballar xa

Os socialistas exíxenlle a Feijoo que se poña a traballar xa

“Estamos mal e imos poñernos peor”. Esta é a frase na que Manuel Vázquez resumiu o discurso de Alberto Núñez Feijoo. O candidato á Secretaría Xeral do PSdeG e secretario provincial dos socialistas ourensáns, cualificou a intervención de “pouco tranquilizadora” porque estivo falta de “medidas firmes para combater a crise e o paro”. Así, exixiu ao presidente da xunta a que se poña a traballar “xa dende o vindeiro luns”.

Con todo, Vázquez amosouse disposto a manter contactos co novo goberno galego, se ben adiantou que “o consenso político hai que gañalo día a día” e reiterou a petición de actuacións rápidas “con quen está pasando dificultades”, para evitar que a crise se agrave aínda máis en Galiza.

Do mesmo xeito, o até agora conselleiro de Traballo e presidente da xestora do PSdeG, Ricardo Varela, instou a Feijoo a que defenda os intereses dos galegos e asegurou que os socialistas van a “defender dende a oposición os servizos públicos galegos, que son piares fundamentais da construción do noso país”. Así, Varela recordou que o goberno bipartito adicou un “importante esforzo” á inversión en servizos públicos como a sanidade ou a educación” e adiantou que o PSdeG estará vixiante coas decisións que tome o novo goberno.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: