Vieiros

Vieiros de meu Perfil


Edición xeral

RSS de Edición xeral
Rexión autónoma

Un novo informe constata os abusos da autoridade policial no Curdistán iraquí

Amnistía Internacional salienta que se detivo o derramo de sangue, mais segue a haber violacións dos dereitos humanos.

Redacción - 08:00 14/04/2009
As torturas seguen presentes

As torturas seguen presentes

As forzas de seguridade da rexión autónoma do Curdistán, no Iraq, actúan sen respectar o estado de dereito e abusan habitualmente da súa autoridade, segundo un informe que publica este martes a organización Amnistía Internacional (AI).

"Na Rexión do Curdistán evitouse o derramo de sangue e a violencia que segue a sacudir o resto do Iraq, e o seu goberno rexional fixo importantes avances en materia de dereitos humanos", sinalou Malcolm Smart, director do Programa Rexional para Asia e Oceanía de AI.

"Mais aínda segue a haber graves problemas, como a detención arbitraria e a tortura, os ataques contra os xornalistas e a liberdade de expresión, e a violencia contra as mulleres, que o goberno debe resolver con urxencia", engadiu.

O informe, titulado Hope and Fear, Human rights in Kurdistan Region of Irak (Esperanza e Medo: Os dereitos humanos na rexión do Curdistán iraquí), está baseado en entrevistas realizadas na zona por investigadores de AI durante unha visita en 2008.

A organización presentoulle en agosto dese ano ao Goberno Rexional do Curdistán dous memoranda, onde plasmaba os seus motivos de preocupación e pedía a súa resposta. No informe actual inclúense as respostas enviadas polo Ministerio de Dereitos Humanos ao respecto.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: