Vieiros

Non hai trebón que chegue para evitar que siga a arder a rede. Vieiros organiza a segunda edición do certame de microrrelatos eróticos 'Ferve a rede' e abril estoupa en celebracións da carne. Aínda que o prazo para enviar traballos remata o vindeiro 24 de abril, xa hai 130 microrrelatos a concurso.

Cruzmartínez envíanos un dos últimos relatos: “Quizais se fose un verme, traspasaría o glande do teu pene e moraría nel para sempre. Mais son unha muller mollada, quente, que agarda enchouparse no teu seme.”

A que agardas?

Envía o teu microrrelato (non pode pasar dos 690 caracteres) e podes ser o gañador dunha viaxe a Bruxas (Flandres) ou dunha fin de semana a gastos pagos en Amarante (Portugal). Podes consultar aquí as bases e os premios do certame.