Vieiros

Vieiros de meu Perfil


Edición xeral

RSS de Edición xeral
Nova xuntanza para o traspaso este martes

Para "manter a cordialidade" o PP pídelle á Xunta que non haxa máis adxudicacións

"En menos dun mes Galiza terá un novo presidente e un novo Goberno", subliña Agustín Hernández, deputado do PPdeG.

Redacción - 20:00 05/04/2009

Recordando que en poucos días se producirá a investidura do próximo presidente da Xunta, o deputado popular Agustín Hernández salientou este domingo que "en menos dun mes Galiza terá un novo presidente e un novo Goberno" e afirmou que este "non debería estar condicionado polas actuacións dun goberno en funcións".

Hernández, que é un dos representantes do PP nas xuntanzas previas ao traspaso de poderes, confirmou que os respectivos grupos de traballo vanse reunir outra vez o martes 7 de abril.

"Tendo en conta que esta mesma semana o goberno en funcións ten que entregar a documentación máis recente referente ao presupostos, persoal... solicitada polos populares galegos, non sería razoábel que o goberno en funcións fixera ningunha licitación ou adxudicación que puidera supoñer compromisos futuros que, aínda que fora a tomar o novo goberno non debería ser tomado na actualidade", expón Hernández. O representante popular referiuse especificamente de xeito crítico aos departamentos de Política Territorial, Medio Ambiente, Vivenda, Sanidade, e Vicepresidencia. O PP acusa o conxunto do goberno en funcións de ter feito adxudicacións "por valor de máis de 250 millóns".


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: