Vieiros

Vieiros de meu Perfil


Edición xeral

RSS de Edición xeral
Conflito en Palestina

Cidadáns árabe-israelís de Umm al-Fahm impiden unha marcha de ultradereitistas pola súa cidade

Os manifestantes tentaron entrar á cidade para lles exixir "lealdade" ao Estado de Israel. Por outra banda, os laboristas poderían entrar no goberno israelí.

Redacción - 18:15 24/03/2009
A Policía arrestou varias persoas

A Policía arrestou varias persoas

Centos de ultradereitistas israelís enfrontáronse este martes con veciños de Umm al-Fahm, unha das cidades con máis poboación árabe no Estado de Israel, cando tentaban entrar na localidade. Os segundos permanecían apostados á entrada da cidade dende a madrugada para lles impedir o acceso.

A policía decidiu formar un retén co fin de evitar un choque directo entre ambos os dous bandos, e finalmente interveu lanzando gases lacrimóxenos cando uns e outros comezaron a se tirar pedras e outros obxectos.

Os ultradereitistas acusan os árabes de Umm al-Fahm -situado na fronteira de Israel co norte de Cisxordania- de apoiar os movementos independentistas palestinos; esíxenlles "lealdade" ao Estado por viviren dentro do seu territorio.

Novo membro no Goberno de coalición israelí

Por outra banda, o primeiro ministro designado e líder do Likud, Benjamin Netanyahu, e o ministro saínte de Defensa e líder do Partido Laborista, Ehud Barak, chegaron este martes a un acordo previo de goberno, que aínda deberá ser ratificado pola executiva laborista, en plena fractura.

O pacto outórgalle cinco ministerios ao partido de Barak e obriga a continuar coas negociacións de paz, segundo informaron os medios de comunicación israelís e as axencias internacionais. Anteriormente, Netanyahu xa chegou a un acordo co partido de estrema dereita Yisrael Beitanu.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: