Vieiros

Vieiros de meu Perfil


Eleccións Galiza 2009

RSS de Eleccións Galiza 2009
POLÉMICO MITIN DE OIA

Quintana: "Foi unha equivocación dos que organizaron o acto que nunca debeu suceder"

O número un do BNG lamentou que algunhas persoas non foran informadas da súa presenza.

Redacción - 11:33 21/02/2009

Quintana afirma que se trataba dun acto organizado "polas asociacións de maiores de Pontevedra ao que fun convidado. E eu ao chegar ali, atopeime coa desagradsble sorpresa de que unha parte dos asistentes sabía que eu ía estar ali para falar e outra parte non o sabía. Eu lamento moito que alguén se puidera sentir incómodo coa miña presenza alí. Eu ía convidado. Laméntoo e discúlpome se alguén se sentíu incómodo pola presenza porque non foi a miña intención incomodar a ninguén e eu supoño que os organizadores do acto darán as cumpridas explicacións a quen se puido sentir incómodo por non estar informado da miña presenza ali".

Reiterou que el acudíu "como convidado, agradezo o convite e nada máis pasou que esto. Teño escoitado agora a dirixentes do PP, como sempre, intentar inventarse feitos que non sucederon, uns acontecementos que non pasaron e do que vós, ademais, sodes fedatarios e non é a primeira vez que o fan", continuou, "invéntanse as cousas, invéntanse outra realidade para verter infamias, mentiras e para sementar dúbidas. Polo tanto, falar como teño escoitado agora dalgún dirixente do PP de indignidade, de secuestro", incidíu, "os únicos indignos, os únicos que secuestran a vontade dos cidadáns son o Partido Popular que lle nega a este país un debate. Estas cousas podían ser debatidas, porque eu non teño nada que ocultar e poderíamolo explicar. Que debatan e que non sexan indignos e non secuestren a vontade dos cidadáns".


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: