Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ESCOLLIDOS POR SANTIAGO AUSERÓN

Escoita aquí os dez gañadores de 'A Coruña Son'

O antigo líder de 'Radio Futura' impartirá un obradoiro cos artistas seleccionados, que gravarán un disco colectivo.

Redacción - 18:10 18/02/2009

O concurso A Coruña Son fíxonos coñecer en 2008 bandas como Chámalle Xis, e permitiunos escoitar ao propio Santiago Auserón cantando en galego. Na edición 2009 o certame crece: máis grupos, máis calidade e máis competencia, o que fixo aínda máis complicada a elección das dez cancións finalistas. Auserón destacou no seu ditame que "si que hai nova onda galega, que carallo, segue salpicando a espuma alegremente, estades a construír paso a paso un Cancioneiro que ten retranca, calidade e sabor".

Agora, os grupos e solistas preseleccionados poderán asistir a un obradoiro que impartirá o propio Juan Perro entre o 24 e o 28 de febreiro no Fórum Metropolitano da Coruña, unhas clases ás que pode asistir calquera persoa, previa inscrición. As dez cancións finalistas serán recollidas, ademais, nun disco colectivo.

Sandrísima: Tic-Tac

Capitán Furilo: Pipermint

Snatch: E todo desapareceu

Pulpiño Viascón: Quérote na praia do Orzán

Magritte: Alpinista

Supersandwich: O rodaballo

Marisol Manfurada: Instinto básico

Maus vizinhos: Gira caindo

Ángeles Dorrio: O cativo

La pelvis: Psicomuiñeira


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: