Vieiros

Case 17 millóns de persoas están convocadas este domingo en Venezuela para decidir nas urnas se aceptan a reforma que permitiría a reelección indefinida de cargos electos. A emenda á Constitución de 1999 fará posíbel que Hugo Chávez se volva presentar ás eleccións de 2012.

Os centros de votación abriron ás seis da mañá (11:30 en Galiza), xa con persoas electoras agardando nas portas. As enquisas amosan unha leve vantaxe do "si" á emenda, de entre catro e seis puntos, aínda que a mobilización dos indecisos será a que inflúa no resultado final do referendo.

É a segunda vez en menos dun ano que Chávez intenta modificar a Constitución para ampliar o límite á súa reelección, despois do fracaso da consulta de reforma de 2007.

Siga a xornada electoral en medios venezolanos:

• El Nacional
• El Universal
• Últimas Noticias
• Aporrea