Vieiros

Vieiros de meu Perfil


Edición xeral

RSS de Edición xeral
prevé a saída de máis de 11 mil empregados

PSA Peugeot-Citroën rexistra as súas primeiras perdas en 10 anos

O grupo automobilístico francés vaticinou números vermellos para este ano. En Vigo están a pactar un acordo cos sindicatos evitar máis ERE.

Redacción - 14:00 11/02/2009
Moreas de automóbiles de Citroën, no porto de Vigo

Moreas de automóbiles de Citroën, no porto de Vigo

Os resultados presentados esta cuarta feira por Christian Streiff, director de PSA Peugeot-Citroën, son moito máis graves do agardado. En 2008, o fabricante de automóbiles francés rexistrou unha perda neta de 343 millóns de euros, o que supón unha caída dun 7,4% do volume de negocio. En consecuencia, o grupo prevé a saída de 10 mil a 12 mil empregados, principalmente en Europa, este ano.

A caída dos resultados de PSA é consecuencia do colapso do mercado automobilístico mundial -as súas vendas mundiais baixaron un 4,9%, con 3,26 millóns de unidades-, e da obriga de asumir uns custes extraordinarios de 917 millóns de euros, correspondentes a medidas de reestruturación e previsións por depreciacións dos seus activos. As malas noticias viñeron tamén da súa filial, o provedor de equipos Faurecia. Un aumento de capital de 450 millóns de euros e unha redución de custes de 600 millóns están previstos para tratar de manter a empresa a flote.

Porén, e a pesar do plan de rescate que anunciou a pasada semana a administración de Sarkozy -facilitándolle un crédito de tres mil millóns a esta multinacional e a Renault-, o presidente do grupo admitiu que este 2009 vai ser un ano de perdas para a corporación francesa, xa que os aforros que proporcionarán as medidas de axuste non han chegar para compensar a caída do mercado e os custes de reestruturación.

E en Galiza
En Vigo, o grupo PSA está a pactar cos sindicatos un acordo laboral que evite a apertura de novos ERE. Ninguén ten a certeza de que sea vaia conseguir, mais, tras o anuncio de recortes drásticos por parte da dirección, empresa e comité comezaron a traballar no denominado "Acordo sobre adaptación do marco laboral", que aprobarán esta cuarta feira, sobre a metal final de evitar novos ERE, que todos temen cheguen en primavera, se as caídas das vendas continúan.

Hai que ter en conta que a multinacional anunciou esta terza feira, antes de facer públicos os resultados do ano pasado, que só vai garantir os empregos en Francia, onde ha lanzar 12 novos modelos. Naquela altura, o presidente do grupo anunciara que as perspectivas de mercados son "terríbeis", e que o compromiso da empresa de non realizar despidos -tras recibir o crédito do goberno francés- afectará unicamente as súas fábricas francesas, é dicir, nin palabra das factorías que posúe en Madrid e en Vigo.

"Non asumimos compromisos noutras fábricas do grupo", aclarou Streiff, en declaracións á radio RTL. Na súa opinión, "o importante" é que as decisións adoptadas polo executivo francés, como a prima de mil euros para incentivar a demanda, tiveron "efecto", e o galo é, arestora, o "mellor mercado do mundo" para o grupo PSA.

Para máis información, os xornais franceses:


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: