Vieiros

Acontecía cara as tres e media da madrugada do domingo ao luns na parroquia de Tameiga,en Mos. Un artefacto explosivo colocado nos baixos dun Citroën Saxo estourou deixando unicamente danos materiais. En concreto, a máis danada foi a parte traseira do coche, que quedou practicamente desfeita.

O vehículo pertencía á filla do dono dun coñecido bar, situado na rúa Ludeiro, onde se produciron os feitos. Mentres, a Garda Civil xa se desprazou ao lugar para facerse cargo da investigación. O seu grupo de Especialistas en Desactivación de Explosivos (Gedex) está a estudar o acontecido e, de momento, non descarta ningunha hipótese.