Vieiros

Vieiros de meu Perfil


Galego.org

Xestionado por Vieiros
RSS de Galego.org
CHILE

Estréase a academia da lingua mapuche co obxectivo de contribuír á súa normalización

A iniciativa do goberno chileno completarase, antes de fin de ano, con institucións análogas para o aymara e o rapanui.

Redacción - 15:15 20/12/2008

O goberno chileno constituíu a Academia Nacional da Lingua Mapuche, unha nova ferramenta para a protección da lingua Mapudungun, que supón un paso máis despois do pacto social do recoñecemento do multiculturalismo, dado na anterior lexislatura.

A nova institución, con sede en Temuco, pretende normalizar a lingua e propoñer políticas lingüísticas en campos como o ensino, ademais de orientar as iniciativas das comunidades mapuches que garantan o uso do seu idioma.

O programa desenvolverao a Corporación Nacional polo Desenvolvemento Indíxena (Conadi), organización pública que traballa pola promoción e o desenvolvemento dos pobos indíxenas de Chile (aymara, atacameño, colla, diaguita, quechua, rapanui, mapuche, qawasqar e yagan).

Este ano, o esforzo do goberno de Michelle Bachelet centrouse nas tres principais linguas indíxenas: o aymara, o rapanui e o mapuche. A finais de ano, cada unha delas contará coa súa propia academia da lingua.


4,25/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: