Vieiros

A noite do 12 de decembro poderase ver no ceo unha lua chea moito meirande do habitual. Polo menos, será a máis grande do ano. O fenómeno débese a que coincidirá só catro horas despois do perixeo, o momento en que o satélite natural da Terra está máis preto do planeta. Isto supón que a lúa sexa un 14% máis grande e un 30% máis brillante.

Segundo informa Astroseti, esta situación tamén afecta que as mareas sexan uns 15 centímetros máis altas. O fenómeno coincide case co solsticio de inverno, polo que a lúa chea acadará a máxima altura no ceo e poderase ver durante máis tempo, por ser as noites máis longas do ano.

O que xa non está cientificamente demostrado é se lle afectará ao estado de ánimo das persoas máis "lunáticas". Teñan coidado.