Vieiros

Vieiros de meu Perfil


Fwwwrando

RSS de Fwwwrando
POLÉMICA

A wikipedia alemá, bloqueada pola denuncia dun político

Un tribunal impediu o funcionamento de wikipedia.de pola petición de Lutz Heilmann de que se retiren fragmentos da súa biografía.

Redacción - 13:00 17/11/2008
Mensaxe que aparece na páxina bloqueada

Mensaxe que aparece na páxina bloqueada

O enderezo wikipedia.de, que até agora permitía acceder á versión alemá da Wikipedia, foi bloqueado pola xustiza do país xermano. O motivo foi a denuncia dun deputado do Partido de Esquerda, Lutz Heilmann, que pediu que se retirasen algúns fragmentos da súa biografía.

A raíz dese recurso, o enderezo xa non redirixe a de.wikipedia.org, que segue accesíbel. Wikimedia Deutschland e.V., propietaria de wikipedia.de, deixou unha mensaxe na páxina onde informa da decisión xudicial e nega calquera relación co contido da Wikipedia alemá, da que é responsábel a Wikimedia Foundation, con base en San Francisco (EUA).

O recurso presentado por Heilmann perante a audiencia teritorial de Lübeck débese a que na biografía non autorizada publicada na enciclopedia libre explícase que o político fora denunciado pola revista Der Spiegel de ter sido membro da Stasi, policía política da antiga RDA. Heilmann afirma que só foi gardacostas da seguridade do Estado.


4/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: