Vieiros

Vieiros de meu Perfil


Edición xeral

RSS de Edición xeral
Afrontando a crise na outra beira do Miño

Os bombeiros de Valença aforran 25 mil euros ao ano usando gasóleo galego

A cifra incrementarase noutros cinco mil logo do convenio asinado entre o corpo e un posto de combustíbeis de Tui.

Redacción - 13:45 17/11/2008
Co aforrado puideron adquirir outro vehículo

Co aforrado puideron adquirir outro vehículo

Segundo informa a prensa portuguesa, a corporación de bombeiros de Valença fechou un acordo cun posto de combustíbeis de Tui que lle ha permitir aforrar perto de 30 mil euros por ano.

Na actualidade xa estaban a abastecer habitualmente todo o seu parque automobilístico (30 vehículos) no noso país, cun beneficio medio de 25 mil euros anuais. Mais coa negociación deste contrato van conseguir o litro de combustíbel 0,045 euros máis barato que un usuario normal.

Esta práctica é moi habitual entre os habitantes do Norte de Portugal. Tanto particulares como empresas e institucións son clientes asiduos das gasolineiras galegas debido a gran diferenza de prezos existente entre as dúas beiras do Miño.

Con esta práctica, os bombeiros de Valença conseguiron aforrar dabondo no último ano para adquirir un novo vehículo.


5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: