Vieiros

Vieiros de meu Perfil


Edición xeral

RSS de Edición xeral
A PETICIÓN PROPIA

Blanco e Gallego explicarán no Parlamento o concurso eólico e o Plan Acuícola

Sobre o proceso eólico, está pendente a constitución da comisión de valoración do proceso, na que deben participar todas as consellarías implicadas.

Redacción - 09:30 22/09/2008

O conselleiro de Innovación e Industria, Fernando Blanco, comparecerá a petición propia no pleno desta vindeira semana para abordar o proceso de adxudicación do concurso eólico e a política enerxética que segue o departamento que dirixe. Sobre o proceso eólico, está pendente a constitución da comisión de valoración do proceso recollida no decreto, na que deberán participar as consellarías implicadas no concurso (as socialistas Política Territorial e Medio Ambiente, ademais de Medio Rural, gobernada polo BNG).

Doutra banda, a orde do día inclúe a comparecencia, tamén a petición propia, da conselleira de Pesca, Carmen Gallego, na que abordará o Plan Galego de Acuicultura. Ademais, o Parlamento debaterá unha moción sobre este plan, derivada da interpelación presentada polos 'populares' na anterior sesión da Cámara.

Durante a sesión da Cámara galega, o presidente da Xunta, Emilio Pérez Touriño, responderá sobre os proxectos das concesións hidroeléctricas, fará unha valoración sobre as directrices do territorio e falará sobre a industria galega na actual crise económica.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: