Vieiros

Vieiros de meu Perfil


Edición xeral

RSS de Edición xeral
ACCIDENTE MARÍTIMO

Afúndese unha embarcación cargada de fuel ante o porto de Tarragona

A gabarra transportaba 350 toneladas de fuel, 260 de gasóleo e tres mil litros de combustible e obrigou a activar a alerta do plan por contaminación das augas mariñas.

Redacción - 10:00 09/09/2008

Foi un barco subministrador de gasóleo para outras embarcacións, de pequenas dimensións (36 metros de eslora) que se atopaba no peirao de Tarragona. Afundiuse a primeira hora desta mañá, sobre as sete menos cuarto, e agora só queda a punta de proa sobre a superficie.

Segundo as primeiras informacións, o barco transportaba 350 toneladas deste produto, ademais de 260 toneladas de gasóleo e tres mil litros de combustible. A Generalitat vén de activar a fase de alerta do plan especial de emerxencias por contaminación accidental das augas mariñas en Cataluña (Camcat), despois de apreciar algunhas manchas de fuel sobre a auga. Ademais, a Autoridade Portuaria de Tarragona (APT) e Salvamento Marítimo procederon ao peche das barreiras de contención para evitar as fugas do combustible, ao tempo que preparan o posible reflotamento do barco no caso de que fose necesaria. Tamén se activaron barcas Pelícano de Salvamento Marítimo que traballan xa na recollida do produto.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: