Vieiros

"É unha revolución cultural o que está en marcha e hoxe máis que nunca, nestes dez anos de Revolución. Hoxe requírese con máis profundidade que nunca o pulo da revolución cultural. É a hora da grande ofensiva cultural en todos os centros de batalla", afirmou o presidente Chávez desde o Complejo Cultural Teresa Carreño.

Propuxo bautizar esta primeira promoción de licenciados en Ensino co nome do poeta Luis Mariano Rivera, e asegurou que estes promotores culturais "están a facer historia na loita pola revolución cultural".

O presidente Chávez lembrou que tal día como hoxe (por enote 19 de agosto) foi fusilado o poeta Federico García Lorca, "outro grande da cultura universal e foi un crime do fascismo, o fascismo non morreu".

O presidente venezuelano fixo alusión ás oligarquías venezuelanas que pretenderon incendiar o país; e referiu que "o fascismo derrótase con cultura e a cultura lógrase con coñecemento. Ser cultos para ser libres", dico citando un coñecido lema do revolucionario cubano José Martí.

Agregou o presidente venezuelano que América do Sur é o epicentro dunha revolución. "Temos unha batalla en todo o mundo, pero América do Sur é o epicentro da grande revolución do século XXI que aínda está comezando e non hai revolución sen cultura revolucionaria e sen conciencia revolucionaria".

Recalcou ademais que en Venezuela "acabouse a cultura elitesca, restrinxida, que moitas veces non era cultura nin era nada. Hoxe hai en Venezuela unha enxurrada cultural".