Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Decisión da Consellaría de Sanidade

Néganlle "rango específico" á consulta de asbestose de Ferrolterra malia concentrar un elevado número de enfermos

O BNG critica que o Instituto de Silicose de Oviedo é o único que pode emitir informes válidos en xuízos sobre posíbeis responsabilidades empresariais.

Redacción - 10:25 12/08/2008

Os afectados pola asbestose terán que seguir acudindo a Asturias para realizar os trámites correspondentes á hora de esixir responsabilidades pola doenza profesional. Isto é así malia que segundo algúns informes a bisbarra concentra a ampla maioría dos casos desta enfermidade rexistrados no conxunto do Estado.

O BNG lamentaba este luns a negativa da Consellaría de Sanidade a outorgarlle rango de centro específico de enfermidades profesionais á consulta de asbestose en Ferrolterra, no complexo hospitalario Arquitecto Marcide – Novoa Santos, obrigando os enfermos a viaxar a Oviedo para realizar os trámites. A consellaría confirmou que non traballa con esa previsión en resposta a unha pregunta do deputado nacionalista Fernando Blanco Parga.

Relacionado co impacto da asbestose en Ferrolterra, hai poucos días coñecíase que Navantia foi condenada a indemnizar con 50 mil euros á familia dun antigo traballador dos estaleiros de Bazán, Afonso Paz, quen morreu en 2006 debido a esta enfermidade, causada pola exposición ao amianto durante a súa etapa laboral como mecánico axustador.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: