Vieiros

A traxedia produciuse no acceso do famoso templo de Naina Devi ubicado no distrito de Bilaspur, do estado indio septentrional de Himachal Pradesh, onde onte comezou unha popular festividad hindú. Nun momento comezou entre os peregrinos un ruxe-ruxe de que se estaba producindo un desprendimiento de rochas no outeiro no que se atopa o templo. Moitas das vítimas son mulleres e pícaros.

No lugar da avalancha e na estrada de acceso ao templo amoréanse os cadáveres das vítimas, moitas delas especialmente ataviadas para presentar as súas ofrendas no templo.

O templo de Naina Devi é un coñecido lugar de peregrinaxe situado a uns 160 quilómetros da turística cidade de Shimla. Miles de peregrinos desprazáronse ata o lugar con ocasión dos 10 días de festividad relixiosa do Shravan Ashtami que comezou onte. Segundo a tradición, Sati, esposa do deus Shiva, perdeu un ollo nese lugar durante o tandav ou baile co que o seu marido causaba a destrución na terra. O nome do templo, Naina Devi, significa o ollo da deusa, e converteuse nun dos santuarios máis populares da India.