Vieiros

Vieiros de meu Perfil


Lusofonía

Xestionado por Vieiros
RSS de Lusofonía
REUNIUSE CON ABEL CABALLERO

O alcalde do Porto pide a xestión do Aeroporto Sá Carneiro, coa que "também pode ganhar Galiza"

Rui Rio pediu a rápida construción dunha liña de alta velocidade entre Porto e Vigo.

Redacción - 14:25 02/08/2008

Rui Rio, alcalde da Cámara do Porto e tamén presidente da Junta Metropolitana, reuniuse este venres co alcaide de Vigo, Abel Caballero, nun encontro de alcalde para reforzar a relación entre as dúas cidades. Sobre da mesa destacaron con forza dous temas: a construción dunha liña de tren de alta velocidade entre Vigo e Porto e a reivindicación portuense de que o Aeroporto Sá Carneiro, o meirande de todo o noroeste da Penúnsula, pase a ter xestión autónoma.

Precisamente esta semana A Junta Metropolitana do Porto, xunto con catro asociacións empresariais, realizou unha declaración pública sobre a xestión do aeroporto. O Sá Carneiro é cada vez máis usado polos viaxeiros galegos, debido á súa dimensión moi superior á de calquera dos aeroportos do noso país. Por ese motivo, un dos asuntos tratados por Rui Rio e Abel Caballero foi a conveniencia de que o hipotético TAV entre Vigo e Porto teña unha parada no Sá Carneiro.

A junta Metropolitana do Porto defende que a xestión autónoma do Sá Carneiro permitiría potenciar o nível económico de toda a rexión, que contando con Galiza, superaría os sete millóns de habitantes. Amais, hai actores interesados en xestionar o aeroporto que xa realizaron propostas concretas. Esta sexta feira o Jornal de Negócios avanzaba que o consorcio Sonae/Soares da Costa ofrecera mil millóns de euros para facerse coa concesión. Porén, malia a teren pedido unha resposta rápida, parece probábel que a proposta ficará sen resposta nas próximas semanas, debido ás vacacións que este venres tomou o Primeiro Ministro José Sócrates.


5/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: