Vieiros

Vieiros de meu Perfil


Edición xeral

RSS de Edición xeral
Autorizan outro salto hidroeléctrico

O Ministerio de Medio Ambiente concede outra "coitelada" en pleno Canón do Sil

Un proxecto en pleno espazo protexido e malia a promesa do conselleiro de Medio Ambiente de non autorizar máis aproveitamentos eléctricos na zona.

Redacción - 09:00 04/07/2008

Os Canóns do Sil foron seleccionados dentro do proxecto Geosites, promovido pola Unesco, como parte do programa de inventariado daqueles lugares cun patrimonio xeolóxico especialmente relevante. A zona forma parte ademais da Rede Natura 2000, coa declaración de "Lugar de Interese Comunitario Canón do Sil".

Paradoxalmente, isto non foi impedimento para que o Ministerio de Medio Ambiente concedese outro proxecto de aproveitamento hisroeléctrico na zona, denominado Santo Estevo II, unha central soterrada en pleno canón. Unha nova concesión hidroeléctrica a Iberdrola que desde a Asociación para a Defensa Ecolóxica de Galiza, Adega, cualifican de "coitelada mortal, case definitiva". Adega critica que sexa ademais o ministerio, liderado agora pola ourensá Elena Espinosa, quen autorice este proxecto, máis aínda cunha promesa previa desde a Xunta de que non se autorizarían máis iniciativas dese tipo neste lugar protexido. "É este o "peso" que ten a administración galega en Madrid para defender as nosas xoias naturais?", preguntan os ecoloxistas.

Segundo a avaliación de Adega, a apertura dos túneles-galería necesarios para realizar o aproveitamento producirá grandes cantidades de cascallos e entullos "que afectarán gravemente a conservación do citado LIC “Canón do Sil” así como os efectos do aproveitamento do caudal ecolóxico para o turbinado poden ter graves efectos sobre multitude de especies e hábitats protexidos".


2,94/5 (18 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: