Vieiros

Vieiros de meu Perfil


Edición xeral

RSS de Edición xeral
Mesa do leite

UU.AA. apoiará o contrato homologado se os prezos son "obxectivábeis"

O sindicato móstrase a favor da aprobación do contrato entre produtores e industrias leiteiras que se debaterá o martes sempre que os prezos se fixen de forma obxectiva.

Redacción - 14:30 05/05/2008

O secretario xeral de Unións Agrarias (UU.AA.) Roberto García, anunciou que a organización agraria apoiará un contrato homologado entre produtores e industrias lácteas, sempre que se estabeleza "un sistema de fixación de prezos obxectivábeis" tanto nas tendencias á alza como á baixa, que se debaterá na Mesa do Leite convocada por Medio Rural para o martes.

Roberto García explicou que valora esta proposta sempre que "remate coa arbitrariedade actual" na que as industrias leiteiras "deciden cando e canto baixan os prezos". Aínda así, indicou que rexeitará o documento se tan só serve para "pasar dunha relación verbal a unha formal", continuando o dominio das industrias.

A clave do éxito está para o representante de UU.AA. na "boa vontade por parte de todas as partes" xa que "estamos condenados a entendernos". Dende o sindicato contan con este texto de contrato homologado, pero "non de maneira oficial", xa que afirman telo recollido polos seus propios medios e non a través da consellaría e confían en que Medio Rural "terá algo avanzado co resto de organizacións agrarias e coas industrias".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: