Vieiros

Vieiros de meu Perfil


Máis Alá

Xestionado por Vieiros
RSS de Máis Alá
FESTIVAL INTERNACIONAL DOS DEREITOS HUMANOS

'Liste, pronunciado Lister' proxectarase en Bos Aires

O filme de Margarita Ledo, que recrea a vida do histórico líder comunista galego, foi seleccionado para o certame, que terá lugar en maio.

Redacción - 11:43 29/04/2008

O filme Liste, pronunciado Líster, de Margarita Ledo continúa o seu periplo por festivais. Agora foi seleccionado no Festival Internacional dos Dereitos Humanos, que se celebrará en Bos Aires do 8 ao 14 de maio. O documental foi estreado o pasado mes de outubro no Teatro Principal de Compostela. Enrique Líster, nacido en Teo, emigrado a Cuba, e exiliado despois, chegou a dirixir un sector da defensa de Madrid fronte aos ataques fascistas, sendo responsábel da 11ª división do exército republicano.

Ciclo sobre Sokurov no CGAC
Por outra banda, o CGAC compostelán acollerá do 13 ao 28 de maio un ciclo-seminario sobre a figura e a obra do cineasta ruso Alexander Sokurov, coordinado polo historiador da arte e poeta José Antonio Cascudo.

Esta actividade contará con conferencias e proxeccións dunha escolma dos filmes de Sokurov. Entre os conferenciantes destacan: Jaime Pena, Rafael Llano, Alberto Ruíz de Samaniego, Tamara Djermanovic e Carlos Mugiro. Entre os filmes a visionar poderemos ver Elexía de Moscova, Nai e fillo, Elexía dunha viaxe, Voces espirituais, Confesión, Elexía de una vida, Pai e fillo, A arca rusa, Alexandra, Unha vida humilde, Dolce, Taurus e O sol.


4,83/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Unha recreación sobre a vida de Líster presente no filme
Unha recreación sobre a vida de Líster presente no filme
Líster, con Hemingway
Líster, con Hemingway