Vieiros

A partir do luns a operadora de telefonía Orange vai introducir no mercado unha nova estratexia publicitaria. Os clientes que así o desexen poderán adoptar os Promo Tonos, un servizo que substitúe o ton de espera que se escoita antes de contestar unha chamada por unha melodía ligada a unnha marca, ou a unha campaña de publicidade.

A vantaxe para a compañía está clara, mais os clientes tamén obterán un beneficio económico directo ao aceptar convertérense en difusores de mensaxes publicitarias. Realizaranse descontos directos nas facturas dos clientes e ademais a operadora facilitará ao máximo o mecanismo de activación, a través da rede ou do propio teléfono móbil.

A facilidade de medición é unha das vantaxes que ten o anunciante, xa que as operadores coñecen de xeito detallado o consumo dos seus clientes e isto permite a segmentación da campaña por zonas xeográficas, tramos de idade ou tipos de consumo, entre outros aspectos.